المقادير:
- ¾ 1 كوباية دقيق
- كوباية زبدة
- ½ كوباية سكر بودرة
- معلقة صغيّرة بيكنج بودر
- بيضة
- 3 معالق كبيرة مياه مثلجة
- رشّة ملح
- 6 كوبايات توت
- 4 كوبايات سكر
- 2 معلقة كبيرة عصير ليمون
الطريقة:
- ابدأي بتحضير العجينة؛ في وعاء كبير وباستخدام المضرب الكهربائي اضربي الزبدة والسكر البودرة، لحد ما تحصلي على قوام كريمي خفيف.
- ضيفي الدقيق والبيكنج بودر بالتدريج مع رشّة الملح.
- ضيفي البيضة واضربي الخليط كلّه كويس لمدة دقيقتين.
- لو حسّيتي العجينة مش متماسكة ضيفي الميّة، لكن لو العجينة متماسكة مفيش داعي لإضافة الميّة.
- سيبي العجينة في التلاجة لمدة ساعة، وفي الوقت ده حضّري المربى.
- على نار هادية حطي ¾ كمية التوت في حلة متوسطة وقلّبيه لحد ما يبدأ العصير ينزل ويغلي.
- ضيفي باقي كمية التوت مع السكر والليمون وقلّبي كويس.
- شيلي الخليط من على النار وسيبيه يبرد.
- سخّني الفرن على درجة حرارة 180. وطلّعي العجينة في درجة حرارة الغرفة.
- افردي ¾ كمية العجينة في صينية الخبز.
- افردي المربى على العجينة واستخدمي ال ¼ الأخير من العجينة عشان تشكّلي ضفاير أو شبابيك تزيّني بيها وش الباستا فلورا.
- اخبزي الباستا فلورا لمدة 20-30 دقيقة على درجة حرارة 180.
