مفيش أحلى من رجوع بابا وماما من السوبرماركت ومعاهم كل الحاجات الحلوة اللي بنحبها. لما بقينا إحنا الكبار، اكتشفنا إن شراء طلبات البيت مش دايماً بيكون فسحة، خصوصاً لما ندفع مبلغ كبير ونخلص الميزانية على منتجات كتيرة سريعة التلف أو حاجات مش هنستخدمها. لو متجوّز جديد، عايش برّة، أو عايش لوحدك، هنقولك شوية خطوات ومعلومات بسيطة لو اتبعتها هتلاقي شراء البقالة بقى أسهل، أوفر، وأسرع بكتير من الأول وهتشتري كل احتياجاتك بأفضل الأسعار.
۱– ماتشتريش المنتجات الأساسية بكميات صغيرة
من أكتر الغلطات الشائعة في شراء البقالة وطلبات البيت هي شراء منتجات أساسية بكميات قليلة. تحضير قائمة تسوق لطلبات بيتك قبل ما تشتريها هيساعدك تعرف المنتجات اللي البيت بيحتاجها بصفة دورية وتشتريها بالجملة مش قطاعي، توفر عدد زيارات السوبر ماركت على مدار الاسبوع، وتتجنب شراء كميات صغيرة بسعر أعلى، دة غير توفير فلوس أو مصاريف شراء على منتجات كتيرة انت مش محتاجها.
۲– اشتري الفاكهة في الموسم بتاعها
عشان تستمتع بطعم الفاكهة وتستفيد بفوايدها، يفضل تشتريها في الموسم بتاعها. استخدم قائمة مكتوب فيها فاكهة الموسم عشان تفتكر تشتريها في ميعادها. لو حابين نحتفظ بفاكهة موسمية طول السنة ممكن نقوم بتجميدها في الفريزر وتكون جاهزة للاستعمال سواء للأكل أو لتحضير العصاير.
۳– ماتشتريش كميات كبيرة من السلع سريعة التلف
لتجنّب الاهدار، يفضل شراء أي منتجات سريعة التلف زي الخضار والفاكهة والمخبوزات والجبن بكميات محددة تناسب الاستهلاك المعتاد للبيت؛ لأن صلاحيتها بتنتهي بسرعة وممكن تتلف قبل الاستخدام لو فضلت متخزنة فترة طويلة. في حالة اننا لسه مش عارفين استهلاكنا، ممكن نسجّل الكميات اللي بنحتاجها على مدار الأسبوع عشان نعرف نقدّر متوسط الكمية. لو اشتريت أكتر من استهلاكك الاسبوعي احفظ الزيادة في الفريزر أو ادمجها مع أكلاتك اليومية، وبكدة نضمن تقليل الهدر.
٤– استفيد بعروض قسم الجزارة
ماتكتفيش بكيلو واحد بس من اللحوم أو الفراخ. اكتب احتياجاتك من اللحوم والفراخ قبل زيارة السوبر ماركت أو الطلب أونلاين، وحدد القطعيّات اللي محتاجها طول الأسبوع أو الشهر واشتريهم مرّة واحدة. شراء البروتينات من اللحوم والفراخ والأسماك بكميات تكفي الشهر بيخليك تستمتع بخصومات وعروض على كميات الكبيرة من اللحوم والفراخ وتجنب الزيارات المتكررة للجزار أو السوبر ماركت، دة غير انه هيديك فرصة تجدد في أنواع البروتين على السفرة.
٥– ماتشتريش المعلبات بكميات كبيرة
منتجات التخزين زي الزيت، والخل، والتوابل، المكسرات، والبقوليات، والخضار المعلّب أساسيات في أي مطبخ؛ لأنها بتسهّل تحضير الشوربة والسلطات وبتوفّر وقت ومجهود، دة غير إنها بتضيف نكهات متنوّعة لأطباق الرز والمكرونة المختلفة. لكن المعلبات والأطعمة سريعة التحضير غالباً بتكون غنيّة بالمواد الحافظة اللي أضرارها أكتر من فوايدها، دة غير احتوائها علي كميات عالية من الصوديوم والأملاح أو السكر. تجنب المعلبات والأكلات سريعة التحضير زي الشوربة سريعة التحضير والنودلز وكومبوت الفواكه واستبدلهم بأكلات صحيّة أكتر وفوايدها أعلى زي المكسرات، الحبوب، زبدة الفول السوداني، والحبوب الصحية زي الشوفان والجرانولا، والخضروات المعلّبة بدون أملاح مضافة، والتونة المحفوظة في زيوت صحيّة.
٦– قلل الأطعمة المصنّعة
الأغذية المصنّعة بتكون في أوقات كتير الحل الأمثل لوجبة سهلة وسريعة، لكنها بتحتوي على كميات كبيرة من الصوديوم والأملاح أو السكر وغيرهم من المكوّنات المضرة بالصحة، واللي ممكن ينتج عنها الإصابة بالسمنة وأمراض القلب والسكر وضغط الدم. الشوفان، الجرانولا، البران، والعدس أمثلة لأطعمة صحية سريعة التحضير اللي فيها فوايد كتيرة من ضمنها مضادات الأكسدة اللي بتدعم المناعة والجهاز الهضمي.
٧– ماتخلّيش الملصقات تخدعك!
مهم جدا إنك تقرأ القيمة الغذائية على المنتجات اللي بتشتريها، لكن في نفس الوقت لازم تعرف إن مش معنى إن منتج معيّن مكتوب عليه ‘قليل الدسم’ أو ‘بدون إضافة سكر’ أو ‘خالي من الجلوتين’ إنه مفيهوش مواد تانية مضافة له عشان تعوض الطعم، وممكن يبقى ضررها أكبر. اعرف محتويات المواد الغذائية ومكوناتها عشان تقدر تتحكم في كمية السعرات الحرارية اللي بتدخل جسمك، وتاخد قرارات واعية في أكلاتك، وتختار الأحسن لصحتك.
البقالة وشراء احتياجات البيت مهمة مش مستحيلة؛ ممكن تبان صعبة لكن مع الوقت والتجربة هتكون ممتعة أكتر وهتعرف العروض الأنسب والأوفر لاحتياجاتك. ولو حابب توفر على نفسك المشوار، اطلب كل احتياجات بيتك من بريدفاست .نزل التطبيق واستمتع بخصم 50 جنيه على أول اوردر ب150 أو أكتر. استخدم كود GSL50. العرض ساري حتى ١٧ أغسطس اطلب دلوقتي وهنوصلك في دقايق!
