المقادير:
العجينة:
¾ 2 كوباية دقيق
2 معلقة كبيرة سكر
½ 1 معلقة صغيرة ملح
280 جم زبدة متقطعة مكعبات
6 معالق ميه ساقعة
الحشو:
كوبايتين توت
2 معلقة كبيرة + 2 معلقة صغيرة سكر
1 معلقة كبيرة نشا
1 معلقة كبيرة ريحان مفروم فريش
1 بيضة كبيرة
1 معلقة صغيرة ميه
¼ كوباية جبنة فيتا
أوراق ريحان فريش
الطريقة:
- عشان تحضّري العجينة، ضيفي كل مكوّنات العجينة في محضّر الطعام وشغليه بطريقة النبضات لمدة 5 دقايق أو لحد ما المكوّنات كلها تتماسك مع بعض.
- حطي العجينة في التلاجة وغطيها بورق زبدة وسيبيها في التلاجة لمدة ساعة. في الوقت ده هتحضري الحشو.
- في وعاء اخلطي التوت مع ال 2 معلقة كبيرة سكر، النشا، والريحان المفروم.
- افردي العجينة بالنشابة وانقليها لصينية الخبز.
- ضيفي خليط التوت على العجينة وطبقي الأطراف لجوّه.
- اضربي البيضة مع باقي السكر والميه وادهني أطراف الفطيرة بالخليط.
- اخبزي الفطيرة لمدة 30 دقيقة على درجة حرارة 160
- وزّعي الجبنة فوق حشو الفطيرة واخبزيها 10 دقايق إضافية لحد ما لونها يبقى دهبي.
- ضيفي أوراق الريحان على الوش قبل التقديم.
