المقادير:
- 2\1 كيلو صدور فراخ بدون جلد
- 2 معلقة كبيرة زبدة
- فصين ثوم
- 4 كوبايات مكرونة فرن
- 2\1 كوباية مرقة فراخ
- 100 جرام جبنة كريمي
- 4\1 كوباية جبنة موتزاريلا/ بارميزان
- 4\1 كوباية لبن
- 3\1 كوباية صوص البيستو
- فلفل أسود
- بودرة شطة (اختياري)
الطريقة:
- قطّعي الفراخ مكعبات صغيرة.
- في حلة كبيرة ضيفي الزبدة على نار متوسطة وشوّحي فيها الفراخ.
- افرمي الثوم وضيفيه للفراخ وقلّبيها لحد ما لونها يبدأ يبقى ذهبي.
- ضيفي المكرونة وهي نيّة مع مرقة الفراخ للحلّة وقلّبي كل المكوّنات سوا.
- غطّي الحلّة وزوّدي الحرارة واستنّي لحد ما المرقة تغلي.
- أوّل ما المرقة تغلي خففي النار وغطّي الحلّة تاني. تابعي المكرونة بالتقليب لمدة 8 دقايق أو لحد ما تستوي للدرجة اللي بتفضّليها.
- ضيفي اللبن، الجبنة الكريمي، والبيستو صوص مع التقليب لحد ما الجبنة تسيح وكل المكوّنات تكون متجانسة.
- ضيفي الجبنة الموتزاريلا/البارميزان بعد ما تطفي النار. رشي الفلفل الأسود على الوش.
- قدمي المكرونة بالفراخ في الأطباق.
